P40.8-M nga kantidad sa shabu, nasakmit sa kapolisan gikan sa usa ka Habal-habal driver

Nasikop ang usa ka habal-habal driver human nakuhaan og kapin sa P40.8-M nga kantidad sa shabu sa buy bust operation nga gipahigayon sa mga otoridad sa Barangay Labangon sa dakbayan sa Sugbo.

Ang Regional Drug Enforcement Unit maoy nangulo sa operasyon samtang giila ang suspek nga si Joey Iñego, 36 anyos.

Nalakip ang suspek sa regional high-value individual sa Top 10 priority list sa kapulisan.

Base sa impormasyon sa mga otoridad, posibleng big-time drug pusher ang suspek.

Matod niya nga siya maoy gitahasan sa pagdumala sa pag-apod-apod sa ilegal nga drugas ngadto sa mga piniriso sulod sa New Bilibid Prison sa Muntinlupa City.

Ang suspek dunay katakos sa paglabay sa pito ka kilo nga shabu sa tibuok Negros Oriental ug Metro Cebu.