BOHOL-Halos tanang nasudnong opisyal kay mitambong sa ikatulong State of the Nation Address (SONA) ni Presidente Bongbong Marcos, apan, si Bise Presidente Sara Duterte mas gipili nga mobisita sa haya ni Bohol Acting Governor Dionisio Victor Balite kagahapong adlawa, Hulyo 22.
Matod pa sa Bise-Presidente nga midesisyon siya nga hatagan og higayon nga mahinabi ug makamusta ang pipila ka mga opisyal sa lalawigan og pagbisita pud sa haya sa namayapa nga Acting Governor.
Dugang niya nga ang iyang pagbisita usa ka pagpakita sa panaghiusa sa atong mga kaubang Bol-anon aron mahatagan sila ug paglaum sa ilang paghandum sa ilang Adlaw sa Bohol karong adlawa.
Kahinumduman nga mipahayag ang Bise-Presidente sa mga milabay nga adlaw sa dili pagtambong sa SONA sa Presidente sa pagkanaug niini isip kalihim sa edukasyon.
