CEBU CITY-Miluwat og pamahayag ang National Union of Journalist of the Philippines – Cebu Chapter kabahin sa “unprofessional conduct” nga gipakita sa pipila ka sakop sa media sa Sugbo sa paggukod sa isyu kabahin sa usa ka mahuyang sa tunghaan sa dakbayan nga nangmolestiya og mga tinun-an.
Ang unod sa maong pamahayag ang pagpahimangno sa tanan sakop sa industriya sa pagpanibya nga ipatigbabaw ang propesyonalismo ug pagtahud sa mga “sources” og dili ang pagduot sa atensyon nga makalapas sa katungod sa usa ka indibidwal.
Kini mahisubay sa mi-viral online sa usa ka sakop sa media sa pagkuha og habig sa maestrong mahuyang nga nag-atubang og pasangil sa pagmolestiya sa mga tinun-an niini nga mga lalaki.
Gitataw sab sa maong pamahayag sa NUJP-Cebu nga sa pagsubay sa “Ethical Guide for Filipino Journalist” nga nagsubay sa pagrespetar kabahin sa pagkuha og habig o interview ilabi na sa mga pribadong indibidwal.
Kini naninguha sa mas luwas ug sa pagkapribado nga di makalapas sa katungod sa usa ka indibidwal.
