MANDAUE CITY-Gibawi sa kagamhanag dakbayan sa Mandaue ang duha ka garbage truck nga nakadestino sa Barangay Guizo sa samang dakbayan mahitungod sa kapakyas niini sa pagsiguro sa hapsay sa paghipos sa mga basura.
Matud pa ni Atty. Jamaal James Calipayan, ang City Administrator sa naasoy nga dakbayan diin nakadawat sila og pipila na ka mga reklamo sa dili tarong nga pagkolekta sa basura sa maong barangay.
Makapamatuod usab ang opisyal sa katinuod sa mga reklamo tungod kay personal nga nasinati sa iyang mga ginikanan ang kahasol sa presensya sa wala makolektang basura.
Dugang pa nga ang Mandaue City Environment and Natural Resources Offices (MCENRO) niisyu og environmental citation ngadto sa mga lokal nga opisyal sa nahisgutang barangay tungod sa palpak sa palakad sa pagdumala sa koleksyon sa basura.
Subay pa nga nagbalik-balik na kini nga problema sa Barangay Guizo sukad pa niadtong tuig 2018.
Gitahasan sa kagamhanang dakbayan ang pagseguro sa pagkolekta sa basura sa mga buhatan sa gobyerno ingon man nga langkob kini trabaho sa mga katungod.
Apan matud pa sa kapitan sa maong dapit nga si Captain Jesus Neri Sr. nga naningkamot sila sa maong operasyon apan dili makaya na ang gidaghanaon sa basura hinungdan sa nagpadayong reklamo.
Ingon man nga temporaryong i-take over sa siyudad ang mga garbage collection duties sa Brgy. Guizo tungod kay wala silay nakitang kalamboan sa paagi sa ilang pagdumala sa waste segregation ug collection.
