Ihap sa mga nangamatay sa Vietnam tungod pagpanghasi sa bagyong Yagi, misaka

VIETNAM-Miabot na sa labing menos 59 ka mga tawo ang kompirmadong ihap sa nangamatay sa Vietnam, nunot sa pagkusokuso sa Bagyong Yagi, nga nailhan kaniadto nga Enteng sa Pilipinas.

Gawas sa dul-an 60 ka mga tawo nga nangamatay, adunay 24 ka mga tawo ang missing tungod sa baha ug daghang insidente sa pagdahili sa yuta ug anaa sa dili mominos 247 ang naangol.

Ang bagyo unang mi-landfall sa China diin kapin sa usa ka milyon ka mga tawo ang apektado ug mi-landfall usab sa Vietnam.

Gawas sa mga missing ug patay, kapin sa usa ka milyon usab ka panimalay ang wala’y supply sa kuryente, apil na ang mga kompanya.

Ingon man nga nawala usab ang communication service, internet service, ug uban pang vital services.