CEBU CITY-Mipasalig ang operator sa Binaliw landfill nga Prime Waste Solutions Cebu (PWS) kang Cebu City Acting Mayor Raymond Alvin Garcia atol sa pagbisiti niini sa lugar nga ilang i-rehabilitate ang pasilidad aron sa pagsulbad sa mga pipila ka isyu niini sama sa pagkabaho ug kontaminadong tubig.
Nahitabo ang maong site visit niadtong Biyernes, Septiyembre 20, 2024 isip follow-up sa kagamhanang dakbayan sa Sugbo atol sa padayog pag-abot sa reklamao s mga lumulupyo sa maong dapit apil na ang mga silingang lungsod ug barangay.
Uban sa maong site visit nila Acting Mayor Garcia kay sila Cebu City Councilor Pastor “Jun” Alcover, Joel Garganera, ug Edgardo “Jaypee” Labella.
Matod pa sa Acting Mayor sa pag-abot niya sa maong pasilidad nga adunay baho dayon ang misugat kaniya.
Dugang pa opisyal nga adunay tulo ka aspeto ang gipanglangtawan nga masulbad sa management sa pasilidad ug maong kini ang padayon nga baho, kontaminado nga tubig, ug ang kakuwang sa storm drainage system aron ma-accommodate ang run-off nga tubig panahon sa kusog nga ulan.
Iyang giawhag ang mga landfill operator ug ang mga hingtungdang departamento sa dakbayan nga mosumiter og report sa sunod semana.
Dugang pa ni Garcia nga ang maong isumiter nga reported dapat maglangkob sa short, medium, ug long-term solutions nga naglambigit sa kakulian sa kinaiyahan ug problema sa kalawasan gikan sa landfill.
Nanghinaot ang Acting Mayor ang kung unsay malangkoban sa report nga isumiter sa management kay tumanon kini nila aron pud sa kaayuhan sa kadaghanan.
Kahinumduman nga unang gibisita sa opisyal sa dakbayan sa Sugbo ang pasilidad sa landfill niadtong Septiyembre 2 human makadawat og mga reklamo gikan sa mga residente sa kasikbit nga mga komunidad kalabot sa padayong baho nga gikan sa landfill.
