Pormal nang misang-at sa iyang certificate of candidacy si kanhi Presidente Rodrigo Duterte isip mayor sa Davao City.
Uban niini ang anak nga si Davao City Mayor Sebastian “Baste” Duterte nga maoy iyang running mate.
Ang amahan ug anak usa ka oras sa wala pa ang cut-off sa dihang ang kanhi presidente niabot sa Commission on Elections Davao District Office.
Ingon man nga mainitong gisugat sa iyang mga supporter sa Magsaysay Park diin nahimutang ang buhatan sa Comelec.
Sa samang higayon, misang-at usab ang mga kandidato sa Hugpong sa Tawong Lungsod, ang political party nga gipasiugdahan sa kanhi presidente.
Ang kanhi presidente nagkanayon nga gusto niya nga moserbisyo ug siguruhon niya nga mas maayo ang Davao karon kaysa kaniadto.
Una niini, si Paolo Duterte misang-at usab sa iyang re-candidacy isip representante sa unang distrito sa Davao.
Samtang ang anak ni Rep. Paolo Duterte nga si Omar Duterte modagan pagka kongresista sa ikaduhang distrito sa Davao.
