CEBU CITY-Gipatuman na sukad kagahapong adlawa sa Biyernes, Oktubre ang usa ka “counterflow lane” sa Cebu South Coastal Road (CSCR) sa South Road Properties (SRP) ning dakbayan sa Sugbo.
Kini aron pagsulbad sa rush-hour traffic sa maong dalan ilabi na sa weekdays.
Subay kini sa kamanduan sa Cebu City Transportation Office (CCTO) nga matod pa sa pangu niini nga si Raquel Arce sa iyang pagpasabot nga gikuhaan og usa ka lane ang south-bound traffic isip dugang nga lane nga magamit sa north-bound nga mga motorista.
Dungan niini, ang south-bound nga mga sakyanan nga gustong moagi sa Cebu-Cordova Link Expressway (CCLEX) bridge gidid-an nga makaagi sa counterflow lane.
Apan, epektibo lamang ang maong counterflow lane Lunes hangtud sa Biyernes, alas 6 hangtud alas 8 sa buntag.//
Ang counterflow lane manukad gikan sa may SM Seaside City Cebu Qube paingon sa CSCR tunnel sa may dalan Palma sa north-bound lane.
