CEBU CITY-Target sa Sagguniang Panlungsod sa kagamhanang dakbayan sa Sugbo nga matapos sa buwan sa Nobyembre ang tanang budget hearings para sa 2025 Annual Budget sa dakbayan.
Matod pa ni Cebu City Councilor Noel Wenceslao, ang Chairman sa Committee on Budget and Finance diin tataw niya nga ang City Treasurer’s Office (CTO) maoy unang tawgon sa konseho aron sa hisgutanan sa sources of funds sa dakbayan.
Sa habig usab ni Cebu City Mayor Raymond Alvin Garcia nga matod niya naglantaw kini sa budget para sa tuig 2025 nga anaa sa P18 hangtud P20 billion.
Dugang sa opisyal nga kaniadtong nakigtagbo siya sa mga department heads niadtong Septiyembre 30 nga andam na ang budget proposal nga isumiter ngadto sa konseho sa dili pa ang Oktubre 15 human niya kini mapirmahan.
Ang mga budget hearings kinahanglan nga mahibal-an ang mga sugyot gikan sa matag usa sa 27 nga mga departamento ug opisina, ug unya ang konseho aprobahan kini nga adunay mga pagputol o wala.
