CEBU CITY- Nakatala og P1.9-milyones nga kita ang buhatan sa Cebu City Department of Veterinary Medicine and Fisheries (DVMF) sa buwan lang kini sa Septiyembre 2024.
Base kini sa taho ni Dr. Alice Utlang, ang pangu ug City Veterinarian sa DVMF ga pinetsahan niadtong Oktubre 22.
Samtang, ang susamang dakbayan nakatala og 72.77% nga rating atol sa verification sa National Meat Inspection Service nga nagpasabot nga ang dakbayan nakapasar sa minimum readiness level sa pagdumala sa livestock produce niini.
Sa susamang buwan sa Septiyembre, adunay 31 ka mga barangay sa dakbayan sa Sugbo nga gipasidunggan human kini nakakab-ot sa 10-year rabies free status ug laing 23 ka mga barangay ang adunay 80-100% vaccination rate sa mga alagang kahayupan.
Sa laing bahin, nipahigayon sa ang DVMF og pagpanakop sa mga libud-suroy nga mga iro sa mga menteryohan isip pagpangandam sa kalag-kalag pinaagi sa ilang catch-neuter-vaccinate & release (CNVR) method.
Gipahigayon kini sa mga menteryohan sa Queen City Memorial Garden, Doña Pepang Cemetery, Carreta Public Cemetery, Barrio Luz Public Cemetery, Calamba Public Cemetery, Labangon Veterans Cemetery, Talamban Public Cemetery, Cempark Cemetery, Golden Haven Memorial Park, ug sa Hubao Public Cemetery sa Barangay Agsungot.
Nakadakop kini na gi-impound ang anaa sa 40 ka mga iro nga kasamtangang anaa sa kustodiya sa Impounding Center sa buhatan.
