VALENCIA, SPAIN-Anaa na sa kapin 70 ang ihap sa mga nangamatay sa kalit nga pagbaha nga nagbanlas sa eastern Spanish region sa Valencia human sa kusog nga pag-uwan nga nagbilin sa mga dalan ug lungsod sa taas nga tubig baha.
Ang Defence ministry ug footage sa pulisya kay nagpakita sa mga emergency services nga nag-inspeksyon sa mga balay nga nabahaan ug nagtabang sa mga naluwas nga tawo sa lungsod sa Utiel.
Daghang mga video nga gipaambit sa social media diin nagpakita sa mga tawo nga natanggong sa tubig baha, uban sa pipila nga misaka sa mga kahoy aron malikayan nga maanod.
Hinungdan nga gi-awhag sa emergency services ang ilang mga lungsuranon nga likayan una ang mga pagbiyahe.
Ingon man nga kanselado usab ang mga train sa lungsod sa Madrid ug Barcelona tungod sa pagbaha, ug ang mga eskuylahan ug uban pang hinungdanon nga serbisyo gisuspinde sa labing grabe nga naigo nga mga lugar.
