MANDAUE CITY, CEBU- Gibasura sa buhatan sa Ombudsman ang Motion for Reconsideration ni Dismissed Mandaue City Mayor Jonas Cortes sa kasong giatubang niini sa illegal nga pagtudlo ni Camilo Basaca Jr. isip pangu sa City Social Welfare Services sa kagamhanang dakbayan sa Mandaue sa nakalabayng katuigan.
Sa inisyal nga silot sa gikataktak nga mayor sa maong kaso, nag-atubang kini sa usa ka tuig nga suspension ug walay sweldo sa wala pa kini gihulipan sa gahum sa laing kasong giatubang nga may kalabotan gihapon sa pagdumala sa dakbayan sa Mandaue.
Wala’y nakitang merito ang Ombudsman sa Motion for Reconsideration nga gisang-at sa kampo ni Cortes aron pagmatuod nga balihon ang desisyon niini.
Gidugang niini, nga ang mga aksyon ni Cortes naglangkob sa grabe nga sayop nga buhat, nga naghulagway kanila nga usa ka “flagrant disregard of established rule” pinaagi sa pagtudlo sa usa ka dili kwalipikado nga indibidwal sa usa ka kritikal nga posisyon sulod sa City Government.
Nisang-at si Cortes og verified partial motion for reconsideration, argumento sa procedural lapses ug pagpangutana sa hurisdiksyon sa Ombudsman.
