Gikatakdang mohatag ang United States of America og dugang $1 million sa Pilipinas aron gamiton sa humanitarian aid sa USAID ug sa World Food Programme.
Atol sa pagbisita ni Austin sa Malacañang, iyang gipahibalo nga gihatagan niini og pagtugot ang tanang pwersa sa US sa nasud aron motabang sa nagpadayong rescue, relief ug rehabilitation efforts sa gobyerno.
Kini tungod sa pagkaguba sa nangaging mga bagyo.
Ang dugang $1 milyon nga ayuda dugang pa sa 100,000 pounds nga suplay nga ilang gihatag sa miaging mga bagyo ug padayon nga nagtabang sa katawhang Pilipino nga naapektuhan sa katalagman nga mas paspas nga makabangon.
Ang alyansa tali sa Pilipinas ug Amerika napalig-on sa miaging 40 ka tuig.
Sa tigom gituki ni Pang. Marcos ug Sec. Austin unsa pay laing tabang nga mahatag sa US sa Pilipinas.
