Gipabilin sa Senado ang P35.47 bilyones nga gisugyot alang sa 2025 budget sa Commission on Elections (COMELEC) alang sa sunod tuig.
Si Senador Imee Marcos, kinsa nanalipod sa pondo sa poll body, niingon nga ang Senate Committee on Finance nagmintinar sa gisugyot nga P35.47 bilyones ubos sa 2025 National Expenditure Program (NEP), nga ubos og P4.912 bilyones sa budget sa ahensya sa 2024.
Ang Comelec mogahin og P15 bilyones alang sa May 12, 2025, nasyonal ug lokal nga eleksyon ug P11.6 bilyones alang sa Barangay ug Sangguniang Kabataan elections karong Disyembre 2, 2025.
Usa ka bag-ong bahin sa sunod tuig nga eleksyon diin magtugot sa mga botante sa pag-imprinta sa mga resibo sa dili pa ipadala ang ilang mga boto.
Ang automated counting machines gamiton isip stand-alone, battery-operated device nga makadagan hangtod sa tulo ka adlaw, nga wala magkinahanglan og backup generator.
Samtang, gikompirmar ni Marcos nga ang COMELEC mopahigayon og komprehensibong voters’ education sa tibuok nasod, sugod sa Disyembre 2 hangtod sa Enero 30, 2025, aron masiguro nga pamilyar ang mga botante sa bag-ong sistema.
