Gisalikway sa Amerika ang resolusyon sa UN Security Council nga nangayo ug hinanaling ceasefire sa gubat sa Gaza tungod kay wala kini konektado sa hinanaling pagpagawas sa mga hostage nga gidagit sa mga militanteng Hamas sa Israel niadtong Oktubre 7, 2023.
Mipabor ang mayoriya o 14 sa 15 ka sakop sa konseho sa resolusyon lakip na ang mga kaalyado sa Amerika nga Britain ug France apan nakompromiso kini tungod sa veto sa America.
Gipasabot ni US deputy ambassador Robert Wood nga pipila ka semana na silang nagtrabaho aron malikayan ang pag-veto sa maong resolusyon nga gipasiugdahan sa 10 ka mga napiling miyembro sa konseho.
Matod niya, iyang giklaro atol sa negosasyon nga dili sila mosuporta sa unconditional ceasefire nga mapakyas sa pagpagawas sa mga hostage.
Saysay niini nga pagaisipon sa Hamas ingon nga usa ka vindication sa ilang cynical nga estratehiya alang sa internasyonal nga komunidad sa pagkalimot sa gidangatan sa labaw pa sa 100 ka mga bihag gikan sa 20 ka estado nga anaa sa mga kamot sa Hamas sulod sa 410 ka adlaw.
