Gipasayon na ni Pope Francis ang mga ritwal sa paglubong sa mga Santo papa aron mas mapakita nga ang nangulo sa Simbahang Katoliko mga mapaubsanon nga pari imbes nga “person of power”, matud sa Vatican.
Ang tradisyonal nga paagi sa mga namatay nga mga santo papa adunay tulo ka mga lungon, ang usa gama sa cypress, ang usa sa tingga ug ang usa sa elm. ingun man aduna usa ka yano nga lungon, nga hinimo sa kahoy ug zinc.
Ang ascertainment sa kamatayon sa santo papa dili na mahitabo sa lawak diin siya mamatay, kondili sa iyang pribadong kapilya na hinuon, ug ang iyang lawas ibutang dayon sa lungon.
Ipahimutang ang abli nga lungon alang sa pagsimba sa mga matuuhon sa St Peter’s Basilica, alang sa mga gustong mutan-aw sa patayng-lawas sa santo papa.
Uban sa bag-ong mga lagda, gusto ni pope Francis nga ipakita nga ang lubong sa Romanong santo papa simple lang ug dili sa usa ka gamhanan nga tawo niining kalibutana, sigun ni Diego Ravelli, master sa pontifical liturgical celebrations sa Vatican.
