CEBU CITY- Gipusil-patay ang 26-anyos nga usa ka call center agent sa wala pa mailhing mamumuno sa Sitio ICM Brgy. Tejero ning dakbayan sa Sugbo.
Giila ang biktima nga si John Dave Mendiola Escoton nga lumulopyo sa maong dapit.
Basi sa inisyal nga imbitisgasyon nga naghigda sa usa ka lingkuran ang biktima atubangan sa ilang panimalay samtang nagpaabot sa iyang uyoan aron sugdan na ang pagtarong sa ubos nga bahin sa ilang balay.
Apan, giduol kini sa duha ka lalaki nga nagsakay og motor ug walay duha-duha nga gipusil ang biktima ug dayong sibat human sa ilang gihimo nga krimen.
Gisubay na sa kapulisan sa Waterfront Police Station ang motibo sa pagpusil kang Escotan.
Atol sa pakighinabi sa Bombo Radyo Cebu sa uyoan sa biktima nga nakadungog sila og lanog sa tulo ka buto sa pusil ug wala damha nga iya na diay kini nga pag-umangkon kinsang gipusil sa agtang ug liog nga bahin.
Ingon man nga gidala pa kini sa tambalanan apan gideklarar na kini nga dead on arrival.
Hustisya ang gisinggit karon sa pamilya ni Escoton.
