Pormal nga gidawat sa Kamara ang impeachment complaint nga gipasaka sa 17 ka mga reklamante gikan sa nagkadaiyang civil society groups batok kang Bise Presidente Sara Duterte.
Matud ni House Secretary General Reginald Velasco nga ang HOR gimanduan sa konstitusyon sa paglihok sa mga impeachment complaints nga gisang-at ubos sa 1987 constitution.
Dugang niini nga basi sa konstitusyon, ang verified complaint for impeachment mahimong ipasaka ni bisan kinsang sakop sa chamber basi sa resolution of endorsement.
Giklaro ni Velasco nga ang pagtubag sa impeachment complaint dili discretionary act sa House of Representatives kondili obligasyon sa konstitusyon.
Tataw sa konstitusyon nga kinahanglang seguradohon ang kaangayan ug subay sa lagda sa balaod.
Samtang, nipasabot usab si kanhi-Senador Leila De Lima sa proseso sa impeachment complaint nga gipasaka batok kang VP Sara Duterte.
Diin matud niini nga 1/3 ka boto sa kinatibuk-ang miyembro sa Kamara ang gikinahanglan aron kini mapasar sa plenaryo ug isumiter ngadto sa Senado..
