-- ADVERTISEMENT --
Nakaangkon og samad dinunggaban ang 37-anyos nga babaye human kini gidunggab sa iyang live-in partner kinsa giingong nasuko human wala niya hatagi og kuwarta aron ipalit og ilimnong makahubog sa Cagayan de Oro niadtong bisperas sa Pasko.
Sa imbestigasyon sa kapulisan, nagkainitay ang panaglalis sa duha ug misangpot sa pagpanunggab human nagdumili sa paghatag og kuwarta ang biktima aron makapalit og ilimnong makahubog ang suspek.
Miikyas ang suspek human sa paghimo sa krimen ug gipangita na kini sa mga otoridad.
Samtang nakagawas na sa tambalanan ang biktima ug magpaabot pa ang kapulisan kon mopasaka ba kini og reklamo batok sa suspek tungod sa paglapas sa Anti-Violence Against Women and their Children Act 2004.
