Mikabat sa kapin 150 ka mga Filipino ang nawad-an sa ilang pinuy-anan tungod sa sunog sa Los Angeles, California USA nga mikalas sa kinabuhi sa 24 ka mga tawo.
Matud sa taho nga ang maong mga Pilipino usa sa mga kinahanglang ipailalom sa mandatory evacuation.
Dugang pa nga ang Konsulada karon kay nakig-alayon usab sa Filipino-American community.
Giangkon sa Consul General nga pipila ka mga Filipino sa LA ang walay dokumento ug pipila lang ang adunay insurance.
Hinuon, gipasalig sa opisyal sa PH nga prayoridad sa mga awtoridad sa California ang pagluwas sa bisan kinsa nga nanginahanglan og tabang bisan kung sila wala y dokumento.
Sa bahin sa gobyerno sa Pilipinas, si Consul General Cruz niingon nga gihatagan siya og awtoridad sa Department of Foreign Affairs (DFA) sa paghatag og financial assistance nga $200 o katumbas sa P11,731.20 isip emergency assistance sa matag apektadong Filipino nga nag-unang mga panginahanglan sama sa medikal nga mga suplay dugang pa sa paghatag og bag-ong trabaho ug bag-ong lugar nga kapuy-an.
