Kusganong gipanghimakak sa Malacañang nga adunay kalambigitan ang palasyo sa pagtangtang kang kanhi House Appropriations Committee Chairman, Ako Bicol Partylist Rep. Zaldy Co.
Kini maoy giklaro ni Executive Secretary Lucas Bersamin sa dihang gipangutana bahin sa isyu.
Matud ni Bersamin nga kini ang discretion sa liderato sa Kamara tungod kay ang executive branch dili manghilabot sa legislative branch.
Kung kahinumdoman, nabakante ang posisyon sa pagka chairman sa Appro niadtong Lunes sa pag-abli sa sesyon.
Samtang sila si Ilocos Norte ug presidential son Sandro Marcos maoy nihimo sa mosyon nga bakantehan ang pagka-chairman.
Sa laing bahin, gipahibalo ni Bersamin nga gawasnon nga modagan si VP Sara Duterte sa eleksyon.
Kini ang reaksyon ni Bersamin sa pamahayag ni VP Sara nga modagan siya sa 2028 presidential election.
Gibutyag usab ni Bersamin nga wala siyay ideya sa panihapon sa mga senador ug PBBM tungod kay wala siya imbitaha.
