Gipadayag sa Commission on Elections (COMELEC) nga kinahanglang susihon pag-ayo sa mga botante ang Statement of Contributions and Expenditures (SOCE) sa mga kandidato karong piniliay sa Mayo.
Matod sa komisyon, nga makahigayon ang publiko nga makita ang mga SOCE sa matag kandidato tungod kay ila kining i-post sa COMELEC website.
Si Commission on Elections (COMELEC) Chairman George Erwin Garcia niingon nga kinahanglang susihon kini sa mga Pilipino aron masayran kung sakto ba ang ilang gi-report o aron masuta kon aduna ba’y wala ma-report nga mga galastohan nga ilang nahiagoman atol sa kampanya.
Dugang niya ang pagpatik sa SOCEs sa mga kandidato nagpakita og transparency kon hisgutan ang kuwarta nga gigasto sa matag kandidato aron masiguro nga dili kini molapas sa limitasyon nga gitakda sa poll body.
Hinuon, si COMELEC Chairman Garcia namahayag usab nga nasayod siya nga adunay limitasyon ang SOCE tungod kay igo ra kining nag-cover sa mga galastohan atol sa campaign period ug wala pay labot ang mga galastohan gikan pa sa pagsugod sa ilang pag-file sa kandidatura.
Ingon man nga bisan pa sa kini nga limitasyon, ang pagpasa sa SOCE hinungdanon gihapon tungod kay kini nagpakita usab sa pagkamay-tulubagon.
