CEBU CITY- Balhog karon sa mabolo police station ang usa ka 18 anyos nga batan-ong lalaki nga grade 10 students sa high school sa Barangay Mabolo, dakbayan sa Sugbo, human nidunggab sa iyang uyab nga grade 8 kay nasuko dihang nakigbuwag.
Kini nahitabo sulod sa kasilyas sa eskwelahan gabii mga alas 6 Lunes, Pebrero 10, 2025.
Sa inisyal nga kasayoran nga nahipos sa bombo patrol nahitabo ang maong pag panunggab sulod sa usa ka comfort room sa maong tunghaan pasado alas 11 sa buntag kagahapong adlawa lunes Pebrero 10, 2025.
Apan, na report kini sa buhatan sa mabolo police station alas 6 pasado na sa hapon sa susamang petsa.
Ang maong biktima usa ka 14 anyos grade 8 student samtang ang suspetsado usa ka grade 10 students.
Sa imbestigasyon nga gihimo sa Mabolo Police Station, ang biktima niingon kinsa anaa karun sulod sa tambalanan, nga ang suspek nihangyo kaniya ngadto sa kasilyas aron komprontahon nganong nakigbuwag siya.
Apan nibalibad ang biktima kay nakahukom siya nga dili na lang ipadayon ang ilang relasyon.
Tungod niini, nasuko ang suspek nga nikuha dayon og kutsilyo ug gidunggab ang liog ug tiil sa biktima.
Human sa hitabo, ang biktima nangayog tabang sa iyang magtutudlo, kinsa daling gidala sa Cebu City Medical Center.
Gitaho usab sa maestra ang insidente ngadto sa Mabolo Police Station.
