TOLEDO-Naronda sa mga sakop sa tinugyanan sa balaod ang usa ka umahan diin aduna kiniy tanom sa punoan sa marijuana sa Barangay General Climaco sa dakbayan sa Toledo sa kasadpang Sugbo niadtong Biyernes, Pebrero 21, 2025.
Ang pagpangronda kay gipahigayon sa mga sakop sa Provincial Intelligence Unit sa Cebu Police Provincial Office (CPPO) uban sa mga personahe sa Philippine Drug Enforcement Agency – Central Visayas (PDEA-7) ug 2nd Provincial Mobile Force Company.
Nahitabo ang pagpangronda niadtong Biyernes sa takna alas 1:50 sa hapon diin miresulta kini sa pagkasikop ug pag-ibot sa labing minos 700 ka mga tinanom nga marijuana ang adunay gibana-banang balor sa P280,000.
Apan walay nasikop nga bisag kinsang indibidwal sa maong pagpangronda hinungdan nga padayon ang imbestigasyon nga gilusad sa mga awtoridad.
Daling gi-dispose ang maong mga illegal nga tanom og gipailawom kini sa dugang pagtuki nga isumiter nga dto sa PNP Regional Forensic Unit 7 isip kabahin sa ebidensya sa pagpangronda.
Samtang gihimug-atan ni Police Colonel Jovito Anatacio, ang Acting Provincial Director sa CPPO sa ilang way hupas nga operasyon sa pagsumpo sa mga ginadiling druga diri sa probinsya sa Sugbo.
