Gilamoy ang labing menos 1,200 hectares sa Ofunato, Iwate Prefecture, northeastern Japan sa miulbong dakong sunog.
Giisip kini nga pinakadako nga wildfire sa kapin tulo ka dekada.
Gikumpirmar sa lokal nga mga awtoridad nga ang sunog, nga nagdilaab sulod sa tulo ka adlaw, milabaw sa miaging rekord nga 1,030 ka ektarya sa Kushiro, Hokkaido, nga natala kaniadtong 1992.
Namatikdan sa Fire and Disaster Management Agency nga kini karon ang labing kaylap nga wildfire sukad sa panahon sa Heisei (1989–2019).
Ang sunog, nga nagsugod niadtong Miyerkules, nikalas og usa ka kinabuhi ug nakaguba sa kapin 80 ka mga panimalay.
Agi’g tubag, gipakusog sa gobyerno ni Prime Minister Shigeru Ishiba ang mga paningkamot aron mapugngan ang kadaot.
Diin kapin sa 15 ka mga helicopter, lakip ang mas dako nga Self-Defense Force (SDF) aircraft nga gidisenyo alang sa water drops, ang gipakatap.
Dugang pa, ang Ministry of Internal Affairs and Communications nangayo og emergency assistance gikan sa kapin 10 ka prefecture, lakip ang Gunma, Saitama, ug Tokyo, aron suportahan ang mga paningkamot sa pagpalong sa sunog.
