Gigisa ni Senador Risa Hontiveros ang Bureau of Immigration (BI) tungod kay hangtud karon wala pa makit-an si Atty. Harry Roque, kinsa nag-atubang og reklamo sa human trafficking kalabot sa scam hub sa Porac, Pampanga.
Atol sa pagdungog sa Senado, si BI Intelligence Division Chief Fortunato Manahan Jr., nga basi sa ilang pinakaulahing impormasyon, mibiya sa Singapore ang magtiayong Roque paingon sa Dubai.
Matud pa ni Hontiveros nga matud pa sa iyang mga tinubdan, gikan sa Dubai si Roque sa Shanghai, China niadtong Disyembre 8, dayon miadto sa Macau.
Apan, si Manahan niingon nga wala silay validated proof sa giingong biyahe ni Roque sa China ug Macau.
Ingon man nga adunay impormasyon nga miadto si Roque sa Japan ug misuway og adto sa Estados Unidos apan wala tugoti nga makasakay sa eroplano paingon sa U.S.
Saysay sa Japanese police ug immigration nga walay ‘holdings’ kang Roque ug hangtud karon kay wala na silay nadawat nga impormasyon.
Gitataw ni Hontiveros nga kinahanglang mahibaw-an kung kinsa ang nagtabang kang Roque sa pagbiyahe sa lainlaing nasod.
