Gidayeg ni Presidente Ferdinand Marcos Jr. ang Philippine Humanitarian Team gikan sa Myanmar human sa ilang malampusong misyon.
Matod ni Palace Press Officer USec. Claire Castro, gipasidunggan sila sa ilang kaisog ug pasalig sa ilang misyon ug obligasyon.
Dugang niini nga ang Presidente mipaabot sa iyang kinasingkasing nga pasalamat ngadto sa mga naglangkob sa Philippine Humanitarian team tungod kay ang ilang gibuhat dalaygon gayud.
Bag-o lang mahibalik sa Pilipinas ang Philippine Inter-Agency Humanitarian Contingent nga gilangkuban sa 89 ka personnel gikan sa nagkalain-laing ahensya sa gobyerno.
Gipadala ang delegasyon sa Myanmar aron motabang sa search, rescue ug humanitarian mission human kini gitay-og og 7.7 magnitude nga linog niadtong Marso 25, 2025.
