MANDAUE CITY-Naabot na ang 2nd-batch sa mga ballot box nga gikan sa Commission on Elections (Comelec) nga pang-gamiton alang sa umaabot 2025 National and Local Elections ngadto sa Mandaue City, Cebu.
Gipangulohan ang pagdawat sa mga ballot box sa Local Revenue Officer nga si Elmer Buneno, kung diin iyang gitataw nga naka-andam na ang mga ballot box sa pag-apud-apud ngadto sa mga nagkada-iyang barangay og clusters.
Samtang, aduna ray 7-ka mga teams ang naka tagana sa tagsa-tagsa ka mga cluster precincts alang sa pagsusi sa tanang materials kung wala ba kini kuwang.
Gibana-bana nga ihatud ang mga supplies ug election paraphernalia sa umaabot adlawng Huwebes, Mayo 8, ug subli usab nila nga sugdan ang final testing alang sa umaabot piniliay.
Gihimug-atan usab ni Buneno, nga wala ra kini nakabati og kabalaka, bisan paman nga gipaubos sa Yellow Category sa Comelec ang dakbayan sa Mandaue.
Nanghinaot usab kini nga mahatud lang on time ang mga kulang nga supplies ug dili lang unta maka-apekto ang gipagawas nga pahimangno sa Comelec ngadto sa pag-deliver sa mga election supplies ngadto sa tagsa-tagsa ka mga clustered precincts. | Bombo Nathaniel Sandoval
