Gikompirmar ni Bise Presidente Sara Duterte nga wala makabotar ang iyang amahan nga si kanhi Presidente Rodrigo Duterte sa national ug lokal nga eleksyon human mapakyas sa pagparehistro sa Local Absentee Voting (LAV).
Matod ni VP Sara, ang mga abogado ni Duterte nisuway pagkumbinser sa Commission on Elections (Comelec) nga tugotan siya nga makabotar bisan human sa deadline sa LAV, apan wala kini tugoti.
Gidakop si Duterte sa International Criminal Court (ICC) niadtong Marso 11 sa kasong crimes against humanity nga may kalabotan sa iyang kontrobersyal nga gubat batok sa drugas.
Ingon man nga nidagan kini sa pagka-mayor sa Davao City samtang napriso sa The Hague, Netherlands, diin nag-una kini sa dakbayan ug dako ang ligas sa ubang kaatbang niini.
Bisan sa prisohan, nagpabiling sikat ang FPRRD basi sa resulta sa piniliay.
Ug kon gani makadaog, mahimo pa siyang ideklarar nga mananaog sa Comelec gawas lang kon makonbikto siya sa krimen sa ICC.
