Gilauamn sa Department of Energy (DOE) ang kinatibuk-ang 19,190 megawatts (MW) nga dugang nga kapasidad sa enerhiya gikan sa 2025 hangtod 2030, diin kapin sa katunga niini gikan sa renewable energy (RE).
Basi sa datus sa DOE, ang gikatakdang clean energy projects moabot sa 11,684 MW, mas taas sa 7,505.7 MW gikan sa non-renewable sources, diin ang solar energy maoy nakatampo sa pinakadako nga kantidad nga 8,431 MW, gisundan sa wind energy nga 2,233 MW.
Ang plano naglakip usab sa mga sistema sa pagtipig sa enerhiya (ESS) aron makatabang sa pagpadayon sa balanse sa suplay sa kuryente. Samtang sa non-renewable energy, ang natural gas gilauman nga makatampo sa labing dako nga kantidad nga adunay 5,630 MW.
Samtang, aduna gihapo’y 1,705 MW nga nahimo nga coal projects bisan pa sa coal moratorium nga gipatuman sa 2020.
Tumong sa maong mga proyekto nga matubag ang nagkadako nga panginahanglan sa elektrisidad ug mapalambo ang mas limpyo nga tinubdan sa enerhiya sa Pilipinas.
