Naglunsad ang Israel og mga airstrike sa habagatang Syria, human sa mga taho nga ang Syria nagpabuto og duha ka projectile missiles ngadto sa Israel, nga wala magpahinabog kadaot.
Giakusahan sa Israel ang interim nga Presidente sa Syria nga si Ahmed al-Sharaa nga responsable sa mga pag-atake, apan sa habig sa Syria nga ang mga airstrike usa ka paglapas sa soberanya niini ug gitumong hingpit nga pagpapas sa nasud.
Kahinumdoman nga sukad sa pagkahulog sa rehimen ni Bashar al-Assad kaniadtong Disyembre 2024, gipakusog sa Israel ang mga opensiba niini batok sa Syria.
Subay niini, dili pa klaro kung kinsa ang nagpaluyo sa pagpabuto sa mga missile, ug ang Syria nagdumili sa pagkumpirmar kung gikan ba kini sa ilang teritoryo.
Sa susamang higayon, gisaway usab sa United Nations ang mga pag-atake sa Israel, samtang gipahibalo sa Estados Unidos ang pagtangtang sa mga silot nga gipahamtang sa Syria sukad sa civil war, nga mipatay sa kapin sa 600,000 ka mga tawo. | Bombo Irene Ardiente
