Gipamatud-an na usab ni Tom Cruise ang iyang dedikasyon sa paghimo og salida human kini giila sa Guinness World Records alang sa salida nga “Mission: Impossible – The Final Reckoning”.
Sa grabe niyang stunt, unom ka higayon nga miambak siya gikan sa helicopter samtang nagdilaab ang iyang parachute.
Sumala sa Guinness World Records, si Cruise ang naghupot sa rekord alang sa titulo nga “most burning parachute jumps by an individual”.
Sa matag ambak gibutangan og gasolina ang parachute ug gidagkutan, sa dili pa kini moambak.
Samtang anaa sa kawanangan putlon ni Cruise ang nagdilaab na parachute ug ablihan ang iyahang backup nga parachute aron maluwas
Naila si cruise dili lamang isip action star kondili usa usab ka tinuod nga risk-taker.
Gidugang sa Guinness World Records, kini nga kalampusan usa ka testamento sa iyang talagsaon nga kaisog ug tinguha nga maghatag og realistiko nga aksyon sa matag salida.
