Lola, naanod sa naghaguros nga tubig-baha sa Brgy. Ginabucan, Catmon, Cebu

Naanod sa naghaguros nga tubig-baha ang usa ka tiguwang nga babaye sa Barangay Ginabucan sa lungsod sa Catmon sa amihanang Sugbo niadtong adlaw sa Lunes, Hunyo 16, 2025.

Matod pa sa inisyal nga pakigsuta sa mga residente sa maong dapit kay giila ang biktima nga si Lola Goria Podot, Senior Citizen ug lumulupyo sa Sitio Cambaga sa susamang barangay.

Sumala pa sa usa ka konsehal sa maong barangay nga si Konsehala Redgie Dongallo nga nadawat nila ang report niadtong pasado ala 1 sa hapon sa maong adlaw.

Kasamtangang nagpadayon pa ang gilusad nga search and rescue operation sa mga awtoridad.

Misuway og kab-ot sa habig sa Catmon Municipal Disaster Risk Reduction and Management apan wala pa kini mimatim-aw sa paghatag og detalye sa maong panghitabo.