Nipagawas og ordinansa si Dr. Alice Utlang kabahin sa mandatory registration sa tanang binuhing iro ug iring sa Dakbayan sa Sugbo.
Kahinomdoman nga si Dr. Utlang, nipahamtang og lagda kabahin sa mandatory registration sa tanang kahayupan nga gipanag-iya sa usa ka indibidwal sa tibuok barangay sa Dakabayan sa Sugbo. Apan, sa iyahang pagbalanse, gusto kini niyang nga angayon ug patason, busa, buot niya nga ipahamtang usab ang maong lagda lakip na ngadto sa tanang empleyado sa Cebu City Government nga mga residente sa dakbayan sa Sugbo.
Mao kini ang nahimong pamahayag ni Dr. Utlang, atol sa pakighinabi sa Bombo Radyo Cebu team, diin atol sa diskosyon, iyaha usab nga nahisgutan ang padayong paningkamot sa dakbayan sa pagpalambo sa responsableng pagpanag-iya og binuhi ug pagkontrolar sa nahisalaag nga populasyon sa mananap.
Ang nahisgutang inisyatiba dili lamang nagsiguro sa pagsunod sa mga lokal nga ordinansa sa kaayohan sa hayop, apan nakatampo usab sa kahimsog ug public health sa mga komunidad sa gawas.
Ang bayad sa pagparehistro kay 200.00 kada binuhi, nga naglakip na sa mosunod nga libreng serbisyo:
-anti-rabies vaccination
-deworming
-spray o neuter surgery
Ang pakyas nga makatuman niini adunay penalty nga 2,000. | Bombo Irene Ardiente
