Ni-resign na sa pwesto ang Chief People Officer sa US tech firm nga Astronomer human sa viral video sa iyang paggakos sa CEO sa kompanya atol sa Coldplay concert.
Gikumpirmar sa Astronomer nga si Kristin Cabot wala na sa kompanya ug una na usab nga nikanaog ang kanhi CEO nga si Andy Byron human sa imbestigasyon sa insidente.
Wala pa opisyal nga nakumpirmar kung sila ba ang mga tawo sa video, apan ang US media nag-ila kanila nga mga kauban sa opisina sa viral clip.
Sa video, makita ang usa ka lalaki ug babaye nga naggakos samtang nagtugtog ang banda. Sa dihang nasakpan na sa camera ang ilang mata, daling duko dayon sila ug nagtago-tago.
Apan, ang frontman sa Coldplay nga si Chris Martin nagkomedya pa nga miingon, “Either they’re having an affair, or they’re just very shy.”
Human ang video nakakuha og milyong viewers ug nahimong hilisgutan sa mga meme ug mga salida sa TV, ang Astronomer mipagawas dayon og pahayag nga nag-ingon nga magpahigayon sila og imbistigasyon.
