Pormal na nga gianunsyo ni Las Piñas Representative Mark Anthony Santos ang iyang hingpit nga suporta sa pagtudlo kang Justice Secretary Jesus Crispin “Boying” Remulla isip sunod nga Ombudsman sa nasod.
Matod ni Santos, ang kasinatian ni Remulla sa lehislatibo ug ehekutibo nga mga sanga, ingon man ang iyang ligal nga kahanas ug personal nga integridad, nagpakita nga siya ang labing kuwalipikado alang sa posisyon sa Ombudsman.
Usa si Remulla sa 17 ka mga aplikante nga nagtinguha nga mopuli kang Ombudsman Samuel Martires, kinsa moretiro karong Hulyo 27, 2025.
Sa wala pa kini matudlo sa Department of Justice (DOJ), si Remulla nagserbisyo isip three-term congressman ug kanhi gobernador sa Cavite, diin iyang gipasiugdahan ang mga balaod alang sa disaster resilience, digital governance, ug batok sa red tape sa gobyerno.
Isip usa ka abogado, usa siya sa mga top finishers sa Philippine Bar and Civil Service executive exams, usa ka testamento sa iyang kaalam ug kahawd sa balaod.
Gipasiugda usab ni Santos ang mga reporma nga gipatuman ni Remulla sa DOJ, lakip na ang pagpaspas sa proseso sa prosekusyon, ang kampanya batok sa korapsyon, ug ang modernisasyon sa sistema sa hustisya.
