Malacañang, dili apektado nga nanguna sa 2028 Presidential survey si VP Sara

Dili apektado ang Palasyo sa mitumaw nga survey diin si Bise Presidente Sara Duterte giingong maoy nanguna sa posibleng mga kandidato pagka presidente sa 2028.

Basi sa resulta sa survey, wala sa top name ang mga kaalyado ni Presidente Ferdinand Marcos Jr.

Matod ni Palace Press Officer Claire Castro, pamatuod lang kini nga nag-concentrate ang Presidente sa iyang trabaho ug dili sa politika.

Gitataw usab ni Castro nga layo pa ang eleksiyon.

Ingon man nga mas gitutokan karon sa administrasyon ang pagpatuman sa mga proyekto ug programa aron matubag ang panginahanglanon sa publiko ug pagpalambo sa nasud.