Pagatutokan sa Kagamhananng Lalawigan sa Sugbo ang transparency ug Regulatory Compliance sa tanan Quarry Operations sa probinsya.
Kini ang tahas sa Quarry Review Committee sa Kapitolyo subay sa mando ni Cebu Provincial Governor Pamela “Pam” Baricuatro diin ang maong special review committee kay nakatutok sa pagpatuman og polisiya aron mailikay ang kinaiyahan sa probinsya sa mga irregularidad sa mga quarry permits ug uban pang mga mining activities.
Dugang pa nga kini nagsiguro nga compliant sa mga environmental laws and safety standards ang mga kumpanyang nag-quarry sa probinsya.
Ang reporma kay nagsiguro sa patas nga transaksyon sa tanang mga stakeholders.
Kahinumduman nga niadtong Hulyo 28, gisuspenso ni Gobernadora Baricuatro ang tanang mining operations sulod sa 30 ka adlaw subay sa mga reklamong nadawat sa 10 ka mga kumpanya ug siyam kang special disposal permit holders sa paglapas sa mga regulatory standards.
Naghimo og panagpulong ang maong komitiba sa Kapitolyo nga gipangulohan ni Provincial Administrator Atty. Ace Durano sa pakigpulong niini sa mga operators kabahin na sa ilang mga updates gika sa special committee review sa ilang mga permits.
Gani si Assistant Provincial Administrator Aldwin Empaces kinsa maong chairman sa special review committee kay misaysay nga andam na sila v musumiter sa ilanv rekomendasyon ngadto sa Office of the Governor para sa approval niini.
Pipila sa ilang mga girekomendar mao ang paglakip sa pagpasayon ug pagpahapsay sa pag-secure og permits sa mga operatorz nga nagtuman sa mga environmental laws and regulatory standards ug likayan ang mga kadudahang pamatigayon sa quarry permits.
Ang bag-ong gitukod nga Provincial Mining and Regulatory Board (PMRB) kay maoy responsable sa pag-aprobar sa mga permiso ug uban pang mga mining activities sa lalawigan.
