Gidepensahan sa aktres nga si Ynez Veneracion si Quezon City 1st District Representative Arjo Atayde batok sa mga alegasyon sa pagkalambigit sa giingong depekto nga flood control projects sa Department of Public Works and Highways (DPWH).
Sa Facebook post niadtong September 11, si Ynez niingon nga nakita niya ang putli nga intensyon ni Atayde sa pagdagan pagka-kongresista, ug gipahayag niya nga ang mga kabtangan sa pamilya — apil ang mga rest house ug mga yate — natukod sa wala pa si Arjo nisulod sa politika.
Ang inahan ni Arjo nga si Sylvia Sanchez naila nga higala ni Ynez, ug matod niya nga ang malampusong kinabuhi sa pamilya tungod sa kakugi ug paglahutay, dili “shortcuts” o korapsyon.
Dugang pa niya nga kinahanglang manubag usab ang mga nagpakatap ug sayop nga impormasyon ug makadaot sa dungog sa pamilyang Atayde.
“Those trying to tarnish the Atayde family’s reputation with lies and inconsistencies should be held accountable. They are the real thieves stealing not only from the people but also from the truth” ingon ni Veneracion. Dugang pa niya nga kinahanglang manubag usab ang mga nagpakatap ug sayop nga impormasyon ug makadaot sa dungog sa pamilyang Atayde.
Kahinumdoman nga ang maluho nga estilo sa kinabuhi sa pamilyang Atayde natumbok sa publiko human malambigit si Arjo sa giingong mga anomalosong proyekto sa magtiayong kontraktor nga sila Sarah ug Curlee Discaya.
Una nang gihimakak ni Arjo ang akusasyon, samtang ang iyang asawa nga si Maine Mendoza nihulga og ligal nga aksyon batok sa mga pasangil.
