Masaligon ang pangu sa Estados Unidos nga si Donald Trump nga mabawi ra sa Ukraine ang tanan nga teritoryo nga giilog sa Russia.
Nasigpatan usab nga usa kini ka dramatikong pagbag-o gikan sa balik-balik nga panawagan sa Presidente sa US alang sa Ukraine nga itugyan ang teritoryo ngadto sa Russia aron tapuson ang gubat.
Sa iyang online nga post human sa iyang miting uban sa Ukrainian President Volodymyr Zelensky sa sidelines sa UN General Assembly sa mga lider sa kalibutan, si Trump niingon nga uban sa pinansyal nga suporta gikan sa European Union, ilabi na sa North Atlantic Treaty Organization (NATO), ang Ukraine mahimong ibalik ang mga utlanan niini sa paagi nga sila sa wala pa ang gubat.
Nunot niini, gitawag ni Zelensky si Trump nga “game changer” pagkahuman sa ilang miting.
Samtang gisubli ni Trump nga tapuson niya dayon ang gubat ug abli sa pagpahamtang og daghang mga silot sa Russia, nga nag-awhag sa mga taga-Europa nga moapil kaniya.
Sa pagkakaron, kontrolado sa Russia ang mga 114,500 square km (44,600 square miles), o 19% sa Ukraine, lakip ang Crimea, nga gisakop sa Russia kaniadtong 2014, ug upat ka rehiyon sa Ukraine lakip ang Donetsk, Kherson, Luhansk ug Zaporizhzhia oblast.
