Mibutyag si Bise Presidente Sara Duterte, nga mituo siya sa mga pasangil nga gikalambigitan ni kanhi House Speaker Martin Romualdez.
Matod sa bise presidente, ang mga taho sa mga maleta nga puno sa kuwarta nahiuyon sa nangaging mga taho sa kurapsyon.
Sigon usab niini ang desisyon sa Delaware Court sa kaso sa Okada Manila, diin ang pangalan ni Romualdez balik-balik nga nagpakita.
Gi-refer sa korte ang “heavy luggage” nga giingong adunay sulod nga dokumento, apan wala kini tuohi.
Alang kang VP Duterte, dili na angay ibaliwala ang sumbanan sa maong mga panghitabo.
Gikuwestyon na usab sa Bise Presidente ang desisyon ni Presidente Marcos Jr. nga suportahan si Romualdez isip Speaker.
Samtang, gihimug-atan niini nga moabut ra ang panahon alang sa hustisya ug panimalos gikan sa mga tawo.
Wala pa hinouy tubag ang kampo ni Romualdez bahin niini.
