Gihangyo ni Cebu Governor Pamela “Pam” Baricuatro ang mga residenteng apektado sa 6.9 magnitude nga linog sa pagsabot sa natalang pagkalangay sa paghatud sa mga hinabang ngadto sa Nothern Cebu.
Dugang pa, ang mga opisyales usab sa nagkadaiyang syudad usa sa mga labing apektado usab, naghikutar sa tagsa-tagsa ka pamilya, hinungdan nga dili malikayan nga ma “delay” ginagmay ang mga hinabang.
Busa, nihangyo ug nag-awhag ang gobernadora sa pagsabut gikan sa katawhan, ilabi na nga nakasugat sila og bug-at nga trapiko pa ingun sa Nothern Cebu samtang kargada sa mga sakyanan ang mga relief goods nga ipang apod-apod sa mga residente.
Sa maong nahiagoman nga trapiko, gilibkas ni Baricuatro ang truck ban aron mausa ug madali ang paghatud sa mga hinabang, tungod kay dili lamang ang mga buhatan sa gobyerno ang naghatud og hinabang, apan lakip na usab ang pipila ka mga pribadong sektor ug mga nagboluntaryong indibidwal.
Samtang sa pikas bahin, sa gipahigayon nga press conference kagahapong adlawa, Oktobre 3, giklaro ni Baricautro nga iyang gihangyo ang mga mayor sa mga syudad nga apektado sa linog, nga dili himuong prayoridad ang pagpamolitika, ug dili pilian ang matunolan sa mga hinabang.
