2 patay, 14 angol sa mass shooting sa Alabama

Patay ang duha ka tawo samtang labing menos 14 ang naangol tungod sa nahitabong mass shooting sa Alabama.

Sumala sa Montgomery Police, ang insidente nahitabo human sa duwa sa football tali sa Tuskegee University ug Morehouse College.

Ingon man nga nagsugod ang kagubot sa dihang nagkalalis ang duha ka magkaribal nga grupo ug nagbinayloay og pabuto sa ilang mga armas.

Basi sa imbistigasyon nga usa ka babaye ang lakip sa namatay samtang duha ka bata ang nakaangkon og samad-pinusilan.

Sa pagkakaron, padayon ang imbistigasyon sa mga otoridad ug anaa na sa tambalanan ang mga biktima.