Temporaryo nga gibawalan ang paglabay sa taytayan sa Kampo-4 ang mga loaded trucks hangtod sa dugang nga pahibalo.
Matod sa gipaambit sa City of Talisay Traffic Operations & Development Authority (CT-TODA), ang Konseho ra Brgy. Kampo-4 nipadangat og suwat ngadto kang Mayor Samsam Gullas ingun man kang 1st District Engineer Lesley Molina sa DPWH 1st District tungod sa kabalaka sa kasamtangang status sa taytayan.
Atol sa pakighinabi sa Bombo Radyo Cebu team kang ni Jonathan Joy Tumulak ang pangu sa CT-TODA, iyaahang naasoy nga aduna sila natala nga kung agian kini ang maong taytayan sa mga dagkong sakyanan, mura na kini og magtuya-tuya, ug usab aduna nay gikatahong report nga adunay usa ka tao ang nilabay nga natagakan og bolts gikan sa maong tayatayan.
Subay niini, nipahamtang og inspection ang DPWH inubanan sa CT-TODA sa niaging adlaw, diin nasayran nga ang ubang bahin sa steel plates (salog) sa maong taytayan, adunay buslot, busa nipadala sila sa maong report ngadto kang Mayor Gullas, ug gipdangat usab ni Mayor Gullas ngadto sa DPWH.
Nakita usab ni Tumulak nga usa sa mga hinungdan nganung mas labing nihuyang karon ang pundasyon karon sa taytayan mao ang mga nangagi nga linog, busa, giklaro niini ang mga gipangbawalan nga mo agi sa maong taytayan mao lamang ang mga loaded trucks, ug dili lakip ang mga motorista niini ilabi na kung light vehicle kini.
Apan, tataw niini nga dili siya mobabag kung ang mga motorista mismo mao ang mangita og alternatibong rota ug dili buot moagi sa naasoyng taytayan.
Sa pikas bahin, nipahibalo usab si Tumulak nga sa sing-abot nga kapistahan sa Talisay, iyahang gihatagan og katin-awan nga adunay mga adjustments nga gipatuman ilabi na sa mga kalingawan ug nagkalain-laing activities, nga imbes ipasundayag kini sa mga gymnasium o close areas, nadsisyonan nga ipadayun ang mga nagkalain-laing pasundayag sa open area aron masiguro ang kaluwasan sa mga magdadayo sa maong fiesta celebration.
Sa pagkakaron, sukad niadtong Oktobre 9, wala pa silay nadawat nga tubag gikan sa DPWH kung unsa ang ilahang mga sugyot nga lakang nga angay ipahamtang sa maong kabalaka nga giatubang sa maong syudad, particular na sa Kampo-4 nga taytayan.
Gawas niana, si Tumulak nanawagan sila sa DPWH sa pagpadali sa pagpahuman sa usa ka taytayan nga kasamtangang gitrabaho karon sa susamang dapit.
