Mobalik sa double competition ang Pinay Tennis Star Alexandra “Alex” Eala karong semanaha sa Guangzhou Open sa China, diin makigpares siya sa Ukrainian player nga si Nadiia Kichenok.
Si Eala ug Kichenok moduwa sa ilang unang duwa karong adlawa, Lunes sa buntag, batok sa duo nilang Emily Appleton sa Great Britain ug Qianhui Tang sa China.
Si Kichenok, 33 ug kasamtangang pwesto sa No. 62 sa doubles rankings, adunay duha ka WTA doubles titles, samtang si Eala naa sa ranggo nga No. 204 sa doubles ug katapusang nakaduwa og double sa Wimbledon niadtong Hulyo 3, diin napildi siya ni Eva Lys sa unang hugna.
Mosalmot usab si Eala sa singles event sa maong torneyo, ug sa iyang katapusang singles appearance sa Japan Women’s Open, napildi siya sa Round of 32 ni Tereza Valentova.
