Subsob na ang pagpangandam sa usa ka Sugboanon nga nakalangkat og 3 ka medalya sa Southeast Asian Deaf Games 2025 nga gipahigayon sa Jakarta Indonesia niadtong buwan sa Agosto alang sa pagpresentar sa Pilipinas sa sunog tuig 2026.
Kini ang gipaambit ni Ella Venice Punay kinsang nakakuha og bulawang medalya sa Women’s Doubles, silver medal sa Women’s Singles, ingon man sa mixed doubles nga nakalangkat og bronze medal, nga padayon ang iyang training ug ang disiplina sa kaugalingon.
Atol sa pakighinabi sa Bombo Newsteam kang Punay gipaambit niini ang iyang gibati nga kakulba sa dihang misalmot sa Sea Deaf Games isip iyang unang international nga naapilan.
Apan, wala nakapugong ang kakulba ug nisalig kini sa iyang kaugalingon, ingon man nga tungod sa suporta nga nadawat gikan sa iyang support system kay bitbit niya kini sa laing nasud.
Dugang pa ni Punay nga dili sayon nga makab-ot ang mga kalampusan apan mapasigarbuhon ug malipayon kini nga nahatagan niya og dungog ang Pilipinas.
Nihatag usab kini og pagpangdasig sa mga indibidwal nga dili mawad-an og paglaom ug padayon lang sa pagkab-ot sa mga pangandoy.
