Gibanatan sa tigpamaba sa Philippine Coast Guard (PCG) nga si Commodore Jay Tarriela si Davao Rep. Paolo “Pulong” Duterte human niya gikuwestiyon ang pagpadala sa mga asset sa militar sa US, lakip na ang Typhon missile system dinhi sa Pilipinas.
Sa usa ka post sa social media ni Tarriela, kini miingon nga ang mga pamahayag ni Pulong hinungdan sa “paranoia” ug sayop nga panan-aw sa mga panag-uban sa depensa sa nasud, nga iyang giingon nga hinungdanon sa pagpanalipod sa soberanya sa Pilipinas.
Sumala ni Tarriela, ang pamahayag ni AFP Chief Gen. Romeo Brawner bahin sa abilidad sa Typhon system nga makaabot sa China dili usa ka pagpanghambog, apan usa lamang ka pagpasabut nga ang mga kagamitan sa militar wala maghulga sa bisan unsang nasud.
Dugang niya nga ang mga pahayag ni Duterte daw nagdepensa sa China, tungod kay iyang giingon nga kini susama sa mga wala magtagad sa agresyon sa Beijing batok sa mga mananagat ug tropang Pilipino sa West Philippine Sea (WPS).
Ang pagpadala sa mga missile system sa US ug hiniusa nga mga patrolya ubos sa administrasyong Marcos Jr. kay nakapasuko sa China, nga nagpadayon sa pag-angkon sa gikalalisan nga katubigan bisan pa sa usa ka desisyon sa arbitrasyon niadtong 2016 kay pabor sa Pilipinas.
