Nagmalampuson ang gipahigayon nga budget hearing sa Cebu City Government, lakip na niini ang nagkadaiyang departamento nga nagpasabot sa ilahang isig sugyot nga budget.
Mao kini ang gikabutyag ni Cebu City Councilor Dave Tumulak nga nagmalampuson ang maong kalihokan diin ang mga nagkadaiyang departamento nakahisgut sa ilahang gikinhanglanon nga budget alang sa ilahang tagsa-tagsang operasyon, ug alang sa mga kaswal ug regular nga mga empleyado sa ilahang tagsa-tagsa ka mga
Atol sa ekslusibong pakigsusi sa Bombo Radyo Cebu team kang Konsehal Tumulak, iyahang gitataw nga bisan paman nga nagmalampusong kadto nga kalihokan, adunay laing departamento usab nga dili ha-om ang gisugyot subay na sa ilahang tagsa-tagsa ka mga programa, hinungdan nga gisugdan na usab sa paghinay-hinay og pasabot si Cebu City Mayor Nestor Archival nga dili tanang gipangayo sa matag departamento mahatag.
Kini gumikan kay wala ma-utilized ang ilahang gipangayong pundo, busa matod ni Tumulak, ilahang gihangyo ang matag departamento nga ipahaom ug ipasiguro nga maka benipisyo sa katawhan kay mao man kini ang hatagan og prayoridad sa City Government alang sa sunog tuig.
Dugang ni Tumulak nga aduna nay 16 ka mga departamento sa City Government ang nasugdan alang sa budget deliberation, ug aduna kini kinatikbuk-ang 36 sa departamento busa, aduna 20 niini nga kuwanga ron malakip sa maong deliberasyon.
Nunot niini, gibana-bana nga moabot sila petsa 14 sa buwan sa Nobyembre aron hingpit kini nga matuldokan ang budget deliberation.
Nanghinaot usab si Tumulak nga sa dili pa matapos ang buwan sa Nobyembre, ma aghat aron ang budget sa Sugbo, ma aprobar sa unang higayon sa dili pa ang Disyembre.
