Missyu si Mayor Nestor Archival sa Dakbayan sa Sugbo ug usa ka executive order nga naglatid sa mga lakang sa kaluwasan ug seguridad sa 21 ka mga sementeryo sa tibuok Dakbayan sa Sugbo alang sa pagsaulog sa Adlaw sa mga Kalag ug Adlaw sa mga Santos.
Matud ni Archival miingon nga ang mga awtoridad sa siyudad mag-focus sa mga operasyon sa seguridad sa pito ka pinakadako nga mga sementeryo, diin gilauman ang kadaghanan sa mga bisita.
Sigon pa sa mayor nga ang mga personahe gikan sa disaster office, pulis, ug uban pang mga emergency unit mag-standby aron moresponde sa bisan unsang mga insidente.
Ubos sa executive order, ang mga bisita dili tugutan nga magdala ug mga ilimnong makahubog, armas, o makamatay nga mga hinagiban sulod sa mga sementeryo. Ang mga hubog nga indibidwal dili usab tugutan nga makasulod.
Gilimpyohan ang mga gitudlo nga agianan ug pagawas aron masiguro ang hapsay nga paglihok sa mga tawo, aron usab malikayan ang paghuot sa trapiko ug mapadali ang pagbakwit kung adunay mga emerhensya sama sa linog.
Nanawagan usab si Archival sa mga tindera nga dili mamaligya sulod sa mga sementeryo. Matod niya, ang mga tindera tugutan lang sa gawas sa sementeryo, diin sila bantayan sa Prevention, Restoration, Order, Beautification, and Enhancement (PROBE) team.
