Anaa sa full-alert status ang Philippine National Police (PNP) isip pagpangandam alang sa tulo ka adlaw nga rally nga magsugod karong adlawa, Domingo, Nobyembre 16 nga gipasiugdahan sa Iglesia ni Cristo (INC).
Sumala sa PNP, sugod niadtong Biyernes sa hapon, ang mga pwersa sa kapulisan sa tibuok nasud gimobilize na aron masiguro ang kaandam.
Niadtong Sabado, pipila ka mga opisyal sa kapulisan ang unang gi-deploy ug sa pagsugod sa rally karong adlawa diin ang tibuok pwersa sa PNP ipahimutang na sa lugar.
Ang mga police unit i-deploy sa mga estratehikong lokasyon sa Metro Manila diin ipahigayon ang rally, samtang ang mga regional offices sa PNP sa nasud gimandoan nga pakusogon ang mga operasyon sa seguridad sa ilang tagsatagsa ka hurisdiksyon.
Sa usa ka pamahayag, ang hepe sa PNP nga si Police Lt.Gen. Jose Melencio Nartatez Jr. nagpahibalo nga usa ka komprehensibo nga plano sa seguridad ang gi-aktibo nga naglangkob sa mga ground operations, pagdumala sa trapiko, intelligence monitoring, emergency response lakip ang maritime patrols.
Gipasiugda sa hepe sa PNP nga ilang gitahod ang katungod sa publiko sa pagpahigayon og malinawon nga mga panagtapok apan giawhag usab ang mga nanambong sa rally nga sundon ang mga pahinumdom sa kaluwasan ug makigtambayayong sa kapulisan sa lugar aron mapadayon ang usa ka hapsay ug malinawon nga rally.
